Құрметті жанкүйерлер!
Өткен демалыс күндері Lamborghini Super Trofeo Europe жарысының екінші кезеңі Италиядағы Autodromo Nazionale di Monza автодромында өтті.
Бұл кезеңде біздің команда Pro-Am класында өнер көрсетті. Экипаж құрамында Шота Абхазава мен Егор Оруджев болды (еске саламыз, Pro-Am класында бір көлікте кәсіби және әуесқой жүргізушілер жарысады. ART-Line командасы дәл осындай құраммен 2023 жылы да қатысқан болатын).
Сенбі күнгі алғашқы жарыс, өкінішке қарай, сәтсіз өтті — жарыс басталғаннан кейін 15 минут өткен соң № 12 автокөлік техникалық ақауға ұшырап, тоқтап қалды. Мұндай жағдайлар да болады, техника кейде сыр береді, себебі бұл — автожарыс.
Жексенбі күнгі екінші жарыста Егор Оруджев соңғы орыннан бастады, алайда бірден 10 позицияны (жалпы есепте), сондай-ақ класта үш орынға көтеріле алды. Жарысты жалғастырған Шота Абхазава бұл позицияны сақтап қалып, нәтижесінде экипаж өз класында төртінші орынмен мәреге жетті.
Команда жұмысын жалғастырып жатыр және алда әлі 4 кезең мен финал бар, сондықтан біз сіздерді әлі талай жеңістерімізбен қуантарымызға сенімдіміз, құрметті достар!
Үшінші кезең 26–28 маусым күндері Бельгиядағы Спа-Франкоршам автодромында өтеді.